दौंड : महान्यूज लाईव्ह
जालना वरून जेजुरीचे इथे देवदर्शन करण्यासाठी निघालेल्या कारचा पाटस दौंड रोडवर अपघात झाला, या अपघातात आठ प्रवासी जखमी झाले आहेत, अशी प्राथमिक माहिती मिळत आहे.
पाटस – दौंड रोडवरील अंबिकानगर शुक्रवारी (दि २८) पहाटे सहा वाजता हा अपघात झाला. मालवाहतूक ट्रक हा पाटस बाजूकडुन दौंड दिशेला जात असताना समोरून भरधाव वेगाने येणाऱ्या कार ने ट्रकला जोरदार धडक दिली.
या अपघातात आठ प्रवासी किरकोळ स्वरूपात जखमी झाले असून एका प्रवाशाच्या पायाला गंभीर दुखापत झाल्याने त्यास दौंड येथील खाजगी रुग्णालात उपचारासाठी दाखल करण्यात आले आहे.
अपघातात मोठा अनर्थ टाळला असला तरी, ट्रकची दोन्ही चाके तुटून पडली आहेत, तर कार ही चक्काचुर झाली आहे, दोन्ही वाहनांचे मोठे नुकसान झाले आहे. घटनेची माहिती मिळतात यवत पोलीस ठाण्याचे पोलीस नाईक अजित इंगवले, पोलीस शिपाई समीर भालेराव, पोलीस मित्र रमेश चव्हाण आदींनी घटनास्थळी धाव घेतली. जखमी प्रवाशांना पुढील उपचारासाठी हलवण्यात आले. याबाबत यवत पोलीस ठाण्यात गुन्हा दाखल करण्याचे काम सुरू आहे.
