इंदापूरचे गटविकास अधिकारी विजयकुमार परीट यांचा महत्वकांक्षी उपक्रम
सुरेश मिसाळ : महान्यूज लाईव्ह
इंदापूर : विद्यार्थ्यांचे शैक्षणिक भवितव्य उज्वल व्हावे, त्यांची शैक्षणिक प्रगती होण्यासाठी पायाभूत तयारी करून घेण्यासाठी इयत्ता तिसरी व चौथीच्या विद्यार्थ्यांसाठी इंदापूर तालुक्याचे गटविकास अधिकारी विजयकुमार परिट यांच्या संकल्पनेतून इंदापूर तालुका प्रज्ञाशोध अभियान 2023 अंतर्गत विशेष परीक्षा घेण्यात आली.
गट शिक्षणाधिकारी अजिंक्य खरात यांच्या मार्गदर्शनाखाली व शिंदेवस्ती येथील जिल्हा परिषद शाळेचे सतीश भोंग यांच्या सहकार्याने रविवार (दि.९) रोजी घेण्यात आलेल्या इंदापूर तालुका प्रज्ञाशोध अभियान अंतर्गत तालुक्यातील ८ केंद्रावर घेण्यात आली. या परीक्षेसाठी इयत्ता तिसरी व चौथीच्या एकूण ४०८० विद्यार्थ्यांनी सहभाग घेतला.
इंदापूर तालुका प्रज्ञाशोध अभियान अंतर्गत इयत्ता ३ री वर्गाचा पेपर १ भाषा व गणित गुण १५० पेपर २ इंग्रजी व बुद्धिमत्ता गुण १५० व इयत्ता ४ वर्गाचा पेपर १ भाषा व गणित गुण १५० पेपर २ इंग्रजी व बुद्धिमत्ता गुण १५० परीक्षा घेण्यात आली. ही परीक्षा एकूण आठ केंद्रावर घेण्यात आली.
१) श्री नारायणदास हायस्कूल, इंदापूर २) श्री केतकेश्वर विद्यालय निमगाव केतकी ३) श्री. काटेश्वर विद्यालय, काटी ४) नंदिकेश्वर विद्यालय, जंक्शन ५) श्री छत्रपती हायस्कूल भवानीनगर ६) श्री कोंडीराम क्षिरसागर विद्यालय, भिगवन ७) एल.जी.बनसोडे इंग्लिश मेडियम स्कूल ८) श्री शिवाजी विद्यालय, बावडा या परीक्षा केंद्रावर ही परीक्षा अतिशय सुरळीतपणे पार पडली.
परीक्षा यशस्वी होण्यासाठी हायस्कूलचे मुख्याध्यापक व त्यांचे शिक्षक यांनी खूप मोलाचे सहकार्य केले. या परीक्षेस इंदापूर तालुक्यातील शाळा मधून इयत्ता तिसरी साठी १९८० व इयत्ता ४ थी साठी २१०० विद्यार्थ्यांनी परीक्षा दिली. ही परीक्षा भविष्यात शिष्यवृत्ती परीक्षा, नवोदय व सातारा सैनिक स्कूल परीक्षेची पायाभूत तयारी इयत्ता तिसरी व चौथी मध्ये व्हावी या उद्देशाने ही परीक्षा घेण्यात आली. या परीक्षेकामी केंद्रप्रमुख, विषयतज्ञ, केंद्र समन्वयक व शिक्षकांनी सहकार्य केले.
