सुरेश मिसाळ : महान्यूज लाईव्ह
इंदापूर : इंदापूर शहरासाठी भाजप शिवसेना युती सरकारने नगरविकास विभागाच्या लोकशाहीर आण्णाभाऊ साठे नागरी विकास कार्यक्रमांतर्गत ३ कोटींचा निधी मंजूर केला आहे, अशी माहिती माजी मंत्री व भाजप नेते हर्षवर्धन पाटील यांनी दिली.
सदरचा निधी मंजूर केल्यामुळे शहरातील कामे मार्गे लागणार आहेत असे पाटील यांनी स्पष्ट केले असून सदर निधी मंजूर केल्याबद्दल हर्षवर्धन पाटील यांनी मुख्यमंत्री एकनाथ शिंदे, उपमुख्यमंत्री देवेंद्र फडणवीस व पालकमंत्री चंद्रकांत पाटील यांचे आभार मानले आहेत.
शहरातील मंजूर कामे पुढील प्रमाणे – १) डॉ. बाबासाहेब आंबेडकरनगर मध्ये समाज मंदिराचा दुसरा मजला बांधकाम करणे ( रु. 91 लाख 34,800), अविनाश मखरे घर ते गायकवाड घर ते पुणे-सोलापूर हायवे रस्ता बंदिस्त ड्रेनेज ओढयापर्यंत करणे (रु. 41 लाख 31,585 ), प्रभाग क्र.1 डॉ. आंबेडकर वसाहत विलास मखरे घर ते रामचंद्र मखरे घर पाथ वे करणे (रु. 11 लाख 83,796 ), डॉ.आंबेडकरनगर व साठेनगर मधील स्मशानभूमी सुशोभीकरण करणे,(रु. 47 लाख 69,242), ज्योतिबा माळ स्मशानभूमी ते हनुमंत कांबळे घर ते विलास मखरे घर ते शिवाजी मखरे घरापर्यंत अंडरग्राउंड ड्रेनेज करणे (1 कोटी 07 लाख 79,478 रुपये).
इंदापूर शहरामध्ये आपण सत्तेवर असताना नियोजनबद्ध पद्धतीने विकासकामे केल्याने शहराचा सर्वांगीण विकास झाला आहे. आगामी काळातील शहराच्या विकासासाठी निधी कमी पडू दिली जाणार नाही, अशी ग्वाही हर्षवर्धन पाटील यांनी दिली.
