सुरेश मिसाळ : महान्यूज लाईव्ह
इंदापूर : ग्रामपंचायत सुरवड, प्राथमिक आरोग्य केंद्र बावडा व आरोग्य उपकेंद्र सुरवड यांच्या संयुक्त विद्यमाने आज सुरवड येथे मोफत आरोग्य तपासणी शिबिर आयोजित केले होते. शिबीरात मधुमेह तपासणी, रक्तदाब तपासणी व इतर सामान्य आरोग्य तपासणी आदी तपासण्या केल्या.
शिबीरात तपासणी करण्यात आलेल्या रुग्णांना आवश्यक त्या औषध गोळ्यांचे वाटप करण्यात आले. यामध्ये 176 पुरुष,महिला व बालके यांच्या तपासण्या करण्यात आल्या. तर 153 जणांचे एक्स-रे काढण्यात आले.
या शिबिरासाठी वैद्यकीय अधिकारी डॉ.अभिषेक ताटे व डॉ. ज्ञानेश्वर बाहेगावकर यांनी विशेष मार्गदर्शन व सहकार्य केले. तसेच वरिष्ठ औषधोपचार पर्यवेक्षक सहदेव मोहिते, वरिष्ठ क्षयरोग प्रयोगशाळा पर्यवेक्षक रणजीत खेडकर, क्ष-किरण तंत्रज्ञ सागर शिंदे तसेच स्मीअर पॅथॉलॉजी टीम इंदापूर आदींनी ग्रामस्थांच्या तपासणी केल्या.
या शिबिरासाठी आरोग्य सेविका कल्पना बुधावले, आरोग्य सेवक बाबासाहेब मोरे व आशा सेविका रूपाली पांढरे, सुलोचना बनसुडे, अर्चना माने, संगीता फलफले, सीमा तिकोटे आदींनी परिश्रम घेतले. सरपंच योगिता तुकाराम शिंदे, ग्रामसेवक प्रल्हाद आबनावे व सर्व सदस्यांनी सहकार्य केले.
