पुणे – महान्यूज लाईव्ह
चिंचवडमध्ये भाजपच्या अश्विनी जगताप तर कसब्यात महाविकास आघाडीचे रवींद्र धंगेकर आघाडीवर आहेत. पहिल्या दोन फेरीतील ही स्थिती असून धंगेकर हे तब्बल तीन हजारांनी पुढे तर अश्विनी जगताप या ८०० मतांनी आघाडीवर आहेत.
पुण्यात हाय व्होल्टेज निवडणूक झाली, त्याचे हे आकडे पहिल्या फेऱ्यांमध्ये दिसत आहेत. पहिल्या दोन फेऱ्यांमध्ये कसब्यात रविंद्र धंगेकर यांनी ५ हजार ८४४ मते घेतली, तर हेमंत रासने यांनी २ हजार ८६३ मते घेतली.
चिंचवडमध्ये एकतर्फी निवडणूक होईल असे चित्र दिसत होते. राहूल कलाटे हे निवडणूकीचे गणित बिघडवणार असे दिसत होते,. मात्र प्रत्यक्षात दोन फेऱ्यांमध्ये मिळून अश्विनी जगताप यांना ९०० मतांची आघाडी मिळाली. नाना काटे यांना ७ हजार २०६ मते तर अश्विनी जगताप यांना ७ हजार ८८२ मते मिळाली. राहूल कलाटे यांना २ हजार ६४५ मते मिळाली आहेत.
