सुरेश मिसाळ : महान्यूज लाईव्ह
इंदापूर : येथील बहुजन प्रतिष्ठान च्या वतीने यावर्षीही ५ फेब्रुवारी ते १२ फेब्रुवारी या काळात “टेंभूर्णी फेस्टिव्हल 2023” या सांस्कृतिक महोत्सवाचे आयोजन करण्यात आल्याची माहिती फेस्टिव्हलचे संयोजक व अध्यक्ष संतोष वाघमारे यांनी दिली.
फेस्टिव्हलचे यंदाचे १९ वे वर्ष आहे. हा महोत्सव टेंभुर्णी शहरासह माढा तालुक्यातील नागरिकांचे मुख्य आकर्षण बनला आहे. कला, ज्ञान, विद्यान, मनोरंजन, कृषी व औद्योगिक प्रदर्शन, सामाजिक प्रबोधनपर, अंधश्रधानिर्मुलन यावर आधारित प्रदर्शन, कार्यक्रमामध्ये दि. ५. गायन स्पर्धा लहान गट, दि. ६ . डान्स, दि. ७. गायन स्पर्धा मोठ गट, दि .८ भजन स्पर्धा , दि .९ तबला वादन स्पर्धा , दि. ११. फॅन्सी ड्रेस स्पर्धा लहान गट या स्पर्धा आयोजित केलेल्या आहेत.
तसेच सांस्कृतिक कार्यक्रम आर्केष्ट्रा लावण्या, भारुड, लेझीम, वाघ्या मुरुळी या कार्यक्रमाबरोबरच एकेरी डान्स स्पर्धा, ग्रुप डान्स स्पर्धा यांचे देखील आयोजन करण्यात आले आहे. मनोरंजनासाठी आकाश पाळणा, दोन मारुती कारचा मौत का कुवा, बैंक इस पन्नालाल, सत्यम्बी चांदतारा, टोराटोरा, मिनी ट्रेन पैरकला, जादूचे प्रयोग इत्यादी साधने उभारण्यात येणार आहेत.
हॉटेल्स व महिलांच्या खरेदीसाठी ज्वेलरी, संसारोपयोगी वस्तू, लहान मुलांची खेळणी असणार आहेत. तसेच गृहोपयोगी वस्तू व कृषी उपयोगी अवजाराचे प्रदर्शनही यामध्ये आहे. कुर्डुवाडी रोडवरील मैदानात हा महोत्सव पार पडणार आहे. बहुजन प्रतिष्ठान मार्फत या महोत्सवाचे आयोजन होत आहे.
प्रतिष्ठानमार्फत दरवर्षी विविध क्षेत्रातील मान्यवरांच्या राज्यस्तरीय जीवन गौरव पुरस्कार देऊन गौरवण्यात आले आहे. या कार्यक्रमासाठी संस्थापक रघुनाथ वाघमारे, अध्यक्ष संतोष वाघमारे, विकास सुर्वे, गणेश पोळ, सोमनाथ नलवडे, हरिशचंद्र गाडेकर, धनंजय भोसले, झुंबर जाधव, सर्जेराव मुरकुले, योगेश दाखले, चंद्रकांत कुटे, पोपट सरडे, शरपुद्दीन मुलाणी, समाधान बोराटे, अमोल कुटे, अशपाक तांबोळी, विनोद आखाडे, दसरथ कसबे, रोहिदास बाघमारे, सुनील जगताप, बाळू मोरे आदी नियोजन करत आहेत. अधिक माहितीसाठी संतोष वाघमारे (९८२०१०८२१०) यांचेशी संपर्क साधण्याचे आवाहन करण्यात आले आहे.
