बारामती : महान्यूज लाईव्ह
बारामती: महाराष्ट्र राज्य ग्राहक कल्याण फाउंडेशनच्या नव्या कार्यकारणी मध्ये बारामती तालुकाध्यक्षपदी सुशील कुमार अडागळे तर उपाध्यक्षपदी मल्लिकार्जुन हिरेमठ यांची निवड करण्यात आली
ग्राहक कल्याण जनजागृती सप्ताह निमित्त ग्राहक कल्याण फाउंडेशनची जिल्हा विभागीय बैठक केडगाव या ठिकाणी आयोजित करण्यात आली होती. या बैठकीच्या अध्यक्षस्थानी ग्राहक कल्याण फाउंडेशनचे पुणे जिल्हाध्यक्ष नरहरी गांजवे हे होते.
या कार्यक्रमात बारामती, इंदापूर व दौंड तालुका कार्यकारणी जाहीर करण्यात आली. बारामती तालुकाध्यक्षपदी सुशीलकुमार विलास अडागळे, उपाध्यक्षपदी मल्लिकार्जुन सदय्या हिरेमठ, सहसचिव पदी शंतनू सोपान साळवे तसेच कोषाध्यक्ष हनुमंत पिराजी खोमणे, कार्यवाहक श्रीमंत लक्ष्मण मांढरे, कार्याध्यक्ष प्रमोद वसंतराव शिंदे, संपर्कप्रमुख अजय मोतीराम पिसाळ व प्रसिद्धी प्रमुख माधव श्रीहरी झगडे यांची सर्वानुमते निवड करण्यात आली.
या कार्यक्रमासाठी महाराष्ट्र प्रदेश सदस्य अस्लम तांबोळी, पुणे जिल्हा अध्यक्ष नरहरी गांजवे तसेच जिल्हा उपाध्यक्ष मारुती पठारे,अनिल नेवसे, कार्यवाहक सुभाष काळे, सचिव सतीश थिटे,सहसचिव संजय धुमाळ, कोषाध्यक्ष पोपटराव साठे, सदस्य सविता सोनवणे, सुभाष कामठे व प्रचार व प्रसिद्धी प्रमुख सुनील बबन थोरात आदी उपस्थित होते.
