दौंड : महान्यूज लाईव्ह
एका मुस्लिम विधवा महलेशी लग्न केल्यानंतर मुस्लिम होण्यास नकार दिला, म्हणून बळजबरीने दौंड शहरातील एका हिंदू वाल्मिकी समाजाच्या तरुणाचा सुंता केल्याची घटना घडली आहे. याप्रकरणी दौंड शहर पोलीस ठाण्यात गुन्हा दाखल करण्यात आला असून पोलिसांनी याप्रकरणी कुमेल कुरेशी याच्यासह तिघांविरोधात ॲट्रॉसिटी चा गुन्हा दाखल केला आहे.
दौंड शहरातील बबलू मिलिंद चव्हाण (वय ३४, हल्ली रा. परदेशी बिल्डिंग, कुंभार गल्ली, दौंड) यांनी याप्रकरणी दौंड शहर पोलीस ठाण्यात फिर्यादी दिली असून, यासंदर्भात पोलिसांनी अधिक माहिती दिली.
पोलीस निरीक्षक भाऊसाहेब पाटील यांनी दिलेल्या माहितीनुसार, बबलू चव्हाण हे सोलापूर जिल्ह्यातील कुर्डूवाडी येथे वीट भट्टीत मजुरी करत असताना त्यांनी सन 2018 मध्ये सोलापूर जिल्ह्यातील बार्शी नजीकच्या कुर्डवाडी येथे एका मुस्लिम समाजाच्या विधवा महिलेबरोबर विवाह केला.
दरम्यान दौंड शहरातील कुमेल कुरेशी यास ही माहिती समजल्यानंतर कुरेशी याने संबंधित महिलेला तुझे मुस्लिम कुटुंबातील व्यक्तीशी लग्न लावून देतो असे आश्वासन दिले. मात्र त्या महिलेने कुरेशी याचा निरोप फेटाळला. मात्र या दरम्यान कुरेशी हा सातत्याने या दोघांवर दबाव आणत होता.
अखेर 14 ऑक्टोबर 2022 रोजी कुरेशी याने एका डॉक्टरला बरोबर घेऊन आसिफ शेख या सहकार्यासह बळजबरीने बबलू चव्हाण याचा सुंता केला. या घटनेनंतर बबलूचे कुटुंब घाबरले. आता बबलू चव्हाण यांनी दिलेल्या फिर्यादीनुसार पोलिसांनी कुमेल कुरेशी व आसिफ शेख आणि डॉक्टर यांच्यासह तिघाजणांविरोधात अनुसूचित जाती, जमाती अत्याचार प्रतिबंधक कायद्याखाली गुन्हा दाखल केला असून इतरही विविध कलमान्वये गुन्हा दाखल केला आहे. तीनही आरोपी फरार आहेत.
