शिरूर – महान्यूज लाईव्ह
शिरूर तालुक्यातील घोडगंगा सहकारी साखर कारखाना निवडणुकीत सत्ताधारी गटाने १९-१ अशा फरकाने विजय मिळवत सत्ता प्रस्थापित केली आहे. घोडगंगा कारखान्यावर अखेर अशोक पवार यांचीच पॉवर चालली.
घोडगंगा सहकारी साखर कारखाना निवडणुकीची रणधुमाळी गेल्या काही दिवसांपासून सुरू होती. गेली २५ वर्षे एकहाती सत्ता असलेले आमदार अशोक पवार यांच्या विरोधात माजी उपाध्यक्ष दादा पाटील फराटे, शिवसेना तालुकाप्रमुख सुधीर फराटे, सर्वपक्षीय नेते एकवटले होते.सर्वपक्षीय मिळून किसान क्रांती पॅनल विरुद्ध शेतकरी पॅनल अशी समोरासमोर लढत होती.
निवडणुकीदरम्यान माजी आमदार बाबुराव पाचर्णे यांचे निधन झाल्याने या निवडणुकीकडे संपूर्ण जिखाचे लक्ष लागले होते.
रविवारी (दि.६ रोजी) मतदान प्रक्रिया पार पडल्यानंतर सोमवारी (दि.७ रोजी) न्हावरे फाटा येथील कानिफनाथ मंगल कार्यालय येथे मतमोजणी प्रक्रिया पार पडली.
सकाळी साडे नऊ पासून सुमारे ३० टेबल वर मतमोजणी प्रक्रिया करण्यात आली.सकाळपासून कार्यकर्त्यांनी मतमोजणीसाठी प्रचंड गर्दी केली होती. सहा फेऱ्यांमध्ये केलेल्या मतमोजणीत राष्ट्रवादीने आघाडी घेत १९ जागांवर विजय मिळवला.
यापूर्वी १ जागा बिनविरोध झाल्याने राष्ट्रवादी चे २० उमेदवार बलाबल झाले आहे. तर विरोधी किसान क्रांती पॅनलच्या प्रमुखांनी चांगली लढत विजय मिळवला. काही ठिकाणी मतमोजणी सुरू असताना दोन्ही पॅनल मध्ये चुरस झाल्याचे दिसून आले.
या मतमोजणी साठी २०० कर्मचारी नियुक्त करण्यात आले होते. निवडणूक सुरळीत पार पाडण्यासाठी निवडणूक निर्णय अधिकारी दिग्विजय आहेर, सहायक निवडणूक अधिकारी शंकर कुंभार, अहमदनगर चे सहायक निबंधक अल्ताफ शेख, अहमदनगर जिल्ह्यातील कर्मचाऱ्यांनी परिश्रम घेतले. मताला नाही पण उसाला भाव देणार असा नारा देणाऱ्या किसान क्रांती पॅनलने कडवी झुंज देत लढवलेली निवडणूक तालुक्यात चर्चेचा विषय ठरली.
विजयी उमेदवार व पडलेली मते पुढीलप्रमाणे : गट क्रमांक 1-मांडवगण फराटा – फराटे संभाजी शिवाजी (7180), फराटे दादासाहेब गणपत (6938)
गट क्रमांक-2 इनामगाव – मचाले सचिन बाबासाहेब (7768), माने नरेंद्र आण्णासो (7452), गट क्रमांक -3 वडगाव रासाई – पवार अशोक रावसाहेब (8172),साठे उमेश सुदाम (7409),
गट क्रमांक -4 न्हावरे – काळे संजय ज्ञानदेव (7826), निंबाळकर शरद मोहनराव (7732), कोरेकर मानसिंग सीताराम (7639)
गट क्रमांक 5- तळेगाव ढमढेरे – गवारी सोपान वाल्मिकराव (7686), ढमढेरे विश्वास रामकृष्ण (7362), भुजबळ पोपट रामदास (7136)
गट क्रमांक 6 – शिरूर – कुरुंदळे वाल्मिक धोंडिबा (7619), थोरात सुहास नारायण (7417), पाचुंदकर प्रभाकर नारायण (6378)
महिला राखीव – कोंडे मंगल सुहास (7645), जगताप वैशाली सुनील (7551), अनुसूचित जाती जमाती – सोनवणे उत्तम रामचंद्र (7614), इतर मागास प्रवर्ग – गदादे शिवाजी मुक्ताजी (7426)
भटक्या विमुक्त जाती जमाती – शेंडगे बिरा बाबू (7201)
