सुरेश मिसाळ – महान्यूज लाईव्ह
वालचंदनगर पोलिस ठाण्याच्या हद्दीतील एका जबरी चोरीच्या शोधासाठी स्थानिक गुन्हे शाखेने कंबर कसली आणि अवघ्या ७२ तासांत ही चोरी उघडकीस आणताना त्यांनी औद्योगिक वसाहतीतील बॅटरी चोऱ्याही उघडकीस आणल्या.
वालचंदनगर पोलिस ठाण्याच्या हद्दीतील जबरी चोरीच्या गुन्ह्यातील आरोपींचा शोध घेण्याची सूचना जिल्हा पोलिस अधिक्षक अभिनव देशमुख यांनी स्थानिक गुन्हे शाखेच्या पथकाला दिल्या होत्या.
या गुन्ह्याचा तपास करताना पोलिस निरीक्षक अशोक शेळके यांनी वेगवेगळी तपास पथके तयार करून व तांत्रिक विश्लेषणाचा अभ्यास करून तसेच गुन्ह्यात वापरलेल्या स्विफ्ट गाडीचा सीसीटीव्ही कॅमेऱ्याच्या माध्यमातून संशयित इसमांना ताब्यात घेतले.
त्यांच्याकडे वालचंदनगरच्या गुन्ह्याबाबत चौकशी करून तपास केला असता 1) अमोल विलास होले (वय 25 वर्ष रा. पारवडी तालुका बारामती जिल्हा पुणे), 2) सचिन राजाराम नाळे (वय 23 वर्ष मूळ रा.थेरवडी चिलार वस्ती ता.कर्जत जिल्हा अहमदनगर सध्या रा. शिंदे होस्टेल रूम नंबर 3 तांबे नगर ता. बारामती जिल्हा पुणे), 3) जयेश्वर जगन्नाथ मोरे (वय 30 वर्ष रा. पोहरेगाव ता. रेनापुर जिल्हा लातूर) या तिघांना ताब्यात घेतले.
त्यांच्याकडे अधिक तपास केल्यानंतर त्या तिघांनी वालचंदनगर पोलिस ठाण्याच्या हद्दीतील चोरीची कबुली दिली. त्याचप्रमाणे दौंड पोलीस ठाण्याच्या हद्दीत कुरकुंभ येथे वेगवेगळ्या कंपन्यांच्या बॅटऱ्या चोरल्याचीही कबुली दिली.
या तिघांना वालचंदनगर पोलिसांच्या ताब्यात पुढील कार्यवाहीसाठी देण्यात आल्याची माहिती सूत्रांनी दिली. दरम्यान ही कारवाई पोलीस अधीक्षक डॉ. अभिनव देशमुख, अप्पर पोलीस अधीक्षक मिलिंद मोहिते, उपविभागीय पोलीस अधीकारी गणेश इंगळे यांच्या मागदर्शनाखाली पोलीस निरीक्षक श्री. अशोक शेळके, सहायक निरीक्षक बिराप्पा लातुरे, फौजदार गणेश जगदाळे, अमित सिदपाटील, श्री.मेठापल्ली, श्री.प्रदीप चौधरी, सहायक फौजदार बाळासाहेब कारंडे, रविराज कोकरे, तुषार पंदारे, हवालदार सचिन घाडगे, राजू मोमीन, जनार्दन शेळके,अभिजीत एकशिंगे, स्वप्निल अहिवळे, अजय घुले, धीरज जाधव. योगेश नागरगोजे, काशिनाथ राजापुरे, दगडु वीरकर आदींनी केली.
