सुरेश मिसाळ
इंदापूर : महान्यूज लाईव्ह
बाभूळगावचे देवस्थान असणाऱ्या वेताळ बाबा यात्रेस आजपासून प्रारंभ होत आहे. दोन वर्षानंतर पुन्हा पारंपरिक पद्धतीने साजरी होणार आहे.अशी माहिती सामाजिक कार्यकर्ते सोमनाथ जावळे यांनी दिली
यात्रेनिमित्त आज ( बुधवार ) संध्याकाळी आठ वाजता पारंपरिक गुलालाची उधळण करत लेझीम पथक, ढोलपथकाच्या निनादात छबिना मिरवणूक काढण्यात येणार आहे. यात्रेत हिंदू – मुस्लिम ऐक्याचे दर्शन या ठिकाणी पहावयास मिळते वेताळबाबांचे मुख्य पुजारी बबन शेख आणि परिवाराला पूजेचा मान आहे.
दि. २८ एप्रील २०२२ रोजी सकाळी विविध कलाकारांच्या तसेच वेषभूषा कलाकारांच्या हजेरीचा पारंपारिक कार्यक्रम सकाळी नऊ ते आकरा या वेळेत होणार आहे.
दुपारी तीन वाजता भव्य निकाली कुस्त्यांचे आयोजन करण्यात आले आहे. या मैदानावर राष्ट्रीय तसेच राज्य पातळीवर कुस्ती खेळाणारे नामांकित मल्ल तसेच आंतरराष्ट्रीय मल्ल यांच्यात विशेष लढती होणार आहेत. या मैदानात स्वर्गीय शिवाजी आण्णा जावळे यांचे स्मृर्तीप्रित्यर्थ सोमनाथ जावळे यांचे वतीने माऊली कोकाटे विरुद्ध अली (इराण), मा.संजय देवकर यांचे वतीने महारुद्र काळेल विरूद्ध इब्राही (इराण) संतोष जगताप विरुद्ध भरत लोहकरे, सुभाष डरंगे (पवार) यांच्या वतीने सचिन केचे विरूध्द अनिल जाधव, जमीर मुलाणी विरूद्ध मेघराज शिंदे, ऋषिकेश भांडे विरुद्ध विजय सौदागर अशा राष्ट्रीय, आंतराष्ट्रीय मल्लांच्या निकाली लढती हनुमान मंदिर परिसरातील मैदानावर होणार आहेत. या वेळी ऐन वेळी खेळावल्या जाणाऱ्या कुस्त्यांची नोंदणी सकाळी अकरा ते दोन पर्यंत केली जाणार आहे.
दि. ३० एप्रिल २०२२ रोजी सायंकाळी नऊ वाजता मनोरंजनाचा ‘ रंगबहार आँर्केस्ट्रा ‘ च्या कार्यक्रमाने यात्रेची सांगता होणार आहे . अशी माहिती गावकर्‍यांच्या वतीने सामाजिक कार्यकर्ते सोमनाथ जावळे यांनी दिली.
डॉ. बाबासाहेब आंबेडकर यांच्या जयंतीनिमित्त प्रतिमेची मिरवणूक .
दि.२८ रोजी संध्याकाळी आठ वाजता डॉ, बाबासाहेब आंबेडकर यांच्या जयंतीनिमित्त भव्य मिरवणूक काढण्यात येणार आहे, अशी माहिती डॉ. बाबासाहेब आंबेडकर जयंती कमिटीचे अध्यक्ष नितीन मिसाळ यांनी दिली.
