— ॲड.प्रतिमा अनिकेत भरणे व सेलिब्रिटी आर्टिस्ट वैशाली उमेश कुऱ्हाडे यांचा विशेष पुरस्कार देऊन गौरव..!
सुरेश मिसाळ
इंदापूर : महान्यूज लाईव्ह
सागर भैय्या पवार मित्र परिवाराच्या वतीने जागतिक महिला दिनाचे औचित्य साधून काल इंदापुरात महिलांसाठी घेण्यात आलेल्या ‘ ती एक, रूपं अनेक ‘ या कार्यक्रमास महिलांनी मोठ्या प्रमाणात सहभाग नोंदविला.
मोठ्या उत्साहात पार पडलेल्या या कार्यक्रमात इंदापूर शहरातील विविध क्षेत्रात जिद्द व चिकाटीने यशस्वी झालेल्या युवती व महिलांचा सन्मान करण्यात आला. तसेच महिलांच्या हक्कासाठी लढणाऱ्या व त्यांना न्याय मिळवून देण्यासाठी सतत प्रयत्नशील असणाऱ्या ॲड.सौ. प्रतिमा अभिजीत भरणे आणि सेलिब्रिटी आर्टिस्ट सौ.वैशाली उमेश कुऱ्हाडे यांचाही विशेष पुरस्कार देऊन गौरव करण्यात आला.
यावेळी महिलांच्या विविध स्पर्धा पार पडल्या.यामध्ये वेशभुषा स्पर्धा, सासु – सुन जोडी, सुपर मायलेक यांसह विविध स्पर्धा आयोजित करण्यात आल्या होत्या.
वेशभुषा स्पर्धेत प्रथम क्रमांक सुमेधा दोशी,
द्वितीय क्रमांक आकांक्षा शहा यांनी पटकावला. सासु- सुन जोडी प्रथम क्रमांक सौ.घनवट ,द्वितीय: सौ.अनुराधा धापटे तर सुपर मायलेक जोडी प्रथम क्रमांक सौ.गीता कोथमिरे ,द्वितीय क्रमांक सौ.सारिका जगताप यांनी पटकावला.
कार्यक्रम यशस्वी करण्यासाठी उमा इंगोले व सारिका जगताप यांनी विशेष परिश्रम घेतले.परिक्षक म्हणून डॉ. अश्विनी ठोंबरे व डॉ.अनुराधा धापटे यांनी काम पाहिले. सुत्र संचालन दिपा राऊत यांनी केले तर आभार सागर पवार यांनी मानले.
यावेळी शोभा भरणे, तालुका राष्ट्रवादी महिलाध्यक्षा छायाताई पडसळकर, स्मिता पवार, अर्चना शेवाळे, माजी नगराध्यक्षा अलका ताटे, माया विंचू, सुवर्णा गाढवे, सविता पवार यासह असंख्य महिला उपस्थित होत्या.
यावेळी लकी ड्रॉ स्पर्धेचे आयोजन करण्यात आले होते. सौ. रोहिणी सुहास जगताप या लकी ड्रॉ स्पर्धेमधील एल. ई. डी. टीव्हीच्या लकी मानकरी ठरल्या.
यावेळी ॲड.सौ.प्रतिमा भरणे यांनी महिलांच्या विविध समस्यांसंदर्भात विशेष मार्गदर्शन केले. त्यांना येत असलेल्या अडचणींवर मात करीत त्या समस्या कशा सोडवाव्यात यावरही त्यांनी सविस्तर मार्गदर्शन केले.आयुष्य खूप सुंदर आहे, ते अधिक सुंदर बनवा, महिलांनी स्वतःसाठी रोज एक तास द्या, तणावमुक्त जीवन जगा,तसेच प्रसन्न राहण्याचा संदेशही यावेळी प्रतिमा भरणे यांनी दिला.
