सुरेश मिसाळ
इंदापूर : महान्यूज लाईव्ह
पंढरपूर तालुक्यातील मगरवाडीच्या सूरज जाधव या युवा शेतकऱ्याने वीज तोडणीमुळे निराश होऊन जीवनयात्रा संपविली.इंदापूर तालुका भाजपच्या वतीने आज माजी मंत्री हर्षवर्धन पाटील यांनी जाधव यांच्या यांनी मगरवाडी येथे आज भेट घेऊन सांत्वन केले. यावेळी हर्षवर्धन पाटील यांनी इंदापूर तालुका भाजपच्या वतीने जाधव कुटुंबियांना दोन लाखाची मदत सुपूर्त केली.
युवा शेतकरी सूरज जाधव यांनी वीज तोडणी मुळे हाताश होत विष प्राशन करतानाचा व्हिडिओ काढून आपली जीवनयात्रा संपली होती. मगरवाडी येथे सुरजचे वडील रामा जाधव, आई सुनिता जाधव, भाऊ संतोष जाधव व जाधव कुटुंबीयांना भेटी प्रसंगी हर्षवर्धन पाटील यांनी दिलासा दिला.
शेतकरी व युवकांनी जीवन जगताना संयम बाळगावा, जीवनातील प्रत्येक अडचणीवर मार्ग हा असतो, जीवन एकदाच आहे याची जाणीव ठेवावी, असे आवाहन यावेळी हर्षवर्धन पाटील यांनी केले. सदरची मदत जमा करण्यासाठी पुणे जिल्हा मध्यवर्ती सहकारी बँकेचे संचालक आप्पासाहेब जगदाळे यांचेही सहकार्य लाभले असे त्यांनी सांगितले.
यावेळी इंदापूर तालुका भाजपचे अध्यक्ष ॲड. शरद जामदार, मारुती वनवे, ॲड.कृष्णाजी यादव, विलासराव वाघमोडे, देवराज जाधव, निवृत्ती गायकवाड, अशोक शिंदे, बापू जामदार, अतुर तेरखेडकर, राम आसबे, अमर काळकुटे, पवन घोगरे, सचिन सावंत, प्रवीण पवार, प्रशांत गलांडे तसेच भाजप किसान मोर्चाचे माऊली हरळणावर, प्रणव परिचारक, दिलीप घाडगे, कैलास खुळे, लक्ष्मणराव धनवडे, भास्कर कसगावडे, संदीप माने, धीरज माने, ज्ञानेश्वर गुंडगे, दत्तात्रय खांडेकर यांचेसह सरपंच तानाजी पवार, नितीन सावंत, सुधाकर बोंबाळे, समाधान मगर, विजय पवार व ग्रामस्थ उपस्थित होते.
