इंदापूर : महान्यूज लाईव्ह
प्रामाणिक व कर्तबगार पोलिस अधिकारी म्हणून नावलौकिक मिळविण्याबरोबरच सर्वसामान्यांना न्याय देण्यासाठी प्रामाणिकपणे काम करावे, अशी अपेक्षा माजी मंत्री हर्षवर्धन पाटील यांनी व्यक्त केली.
महाराष्ट्र लोकसेवा आयोगामार्फत घेण्यात आलेल्या परीक्षेत इंदापूर तालुक्यातील शैलेश देवराव मोरे, दिपाली शिवाजी धालपे, चेतन अनिल ढावरे, अशोक बाळासाहेब नरूटे यांची पीएसआय पदी निवड झाल्याबद्दल भारतीय जनता पार्टीचे ज्येष्ठ नेते माजी मंत्री हर्षवर्धन पाटील यांच्या हस्ते सत्कार करण्यात आला.
हर्षवर्धन पाटील म्हणाले की, पोलीस खात्याच्या माध्यमातून अन्यायग्रस्तांना व पिचलेल्या लोकांना सहकार्य करण्याबरोबरच कर्तृत्वाच्या जोरावर आपली व आपल्या तालुक्याची शान वाढवावी, कायदा व सुव्यवस्थेसाठी सर्वांना सोबत घेऊन आपण काम करावे, असेही पाटील यांनी सांगितले.
