दौलतराव पिसाळ : महान्यूज लाईव्ह
चिंधवली (ता.वाई) येथील ४४ वर्षीय उमेश रामचंद्र निकम यांनी राहत्या घराच्या पाठीमागील गुरांच्या गोठ्यात गळफास घेऊन आत्महत्या केल्याने गावात खळबळ उडाली. याप्रकरणी भुईंज पोलिस ठाण्यात अकस्मात मृत्यूची झाली आहे.
याबाबत भुईंज पोलिसांनी दिलेली माहिती अशी की ऊमेश रामचंद्र निकम हे चिंधवली येथील रहिवासी आहेत. आज (५ मार्च) रोजी राहत्या घरापाठीमागील गुरांच्या गोठ्यातील लोखंडी अॅगलला नायलॉनच्या दोरीच्या साहाय्याने गळफास घेतलेल्या अवस्थेत त्यांचा मृतदेह पहाटे आढळून आला.
कुटुंबातील सदस्यांनी गळफास सोडवून त्यांना भुईंज प्राथमिक आरोग्य केंद्रात दाखल केले असता तेथील उपस्थित डॉक्टरांनी त्यांना मृत घोषित केले. या मृत्यूची नोंद भुईंज पोलिस ठाण्यात होताच पोलिसांनी रितसर पंचनामा केला. अधिक तपास सहाय्यक निरीक्षक आशीष कांबळे यांच्या मार्गदर्शनाखाली हवालदार शिवाजी तोरडमल करीत आहेत.
