शिरूर : महान्युज लाइव्ह
एखाद्याच्या आयुष्यामध्ये शिक्षणामुळे आमूलाग्र बदल होतो व त्याच्या जीवनामध्ये बदल होत असतो. ज्ञान हे जगाचे सार आहे. जगाला शिकवण देणाऱ्या ज्ञानाचे अमुल्य भांडार मिळवणं हे प्रत्येक विद्यार्थ्याचे कर्तव्य आणि त्याच्यातून संसार, आचार-विचार या यांच्या माध्यमातून विद्यार्थी घडत असतो. हे विद्यार्थी घडवण्याचे काम शिक्षक करत असतो आणि त्या शिक्षकाच्या मार्गदर्शनाखाली आपल्या विचारांची जडणघडणी मध्ये विद्यार्थी वाटचाल करत असतो म्हणून त्या शिक्षकांचे मार्गदर्शन मोलाचे असते असे प्रतिपादन शिरूर कृषी उत्पन्न बाजार समितीचे माजी सभापती शंकर जांभळकर यांनी केले.
कान्हुर मेसाई ( ता.शिरूर ) येथील विद्याधाम माध्यमिक व उच्च माध्यमिक विद्यालयातील दहावी बारावीतील विद्यार्थ्यांचा निरोप समारंभ प्रसंगी ते बोलत होते.
कार्यक्रमाच्या अध्यक्षस्थानी सचिव सुदाम तळोले हे होते. यावेळी माजी सभापती जांभळकर यांच्या वतीने दहावी बारावीतील विद्यार्थ्यांना परीक्षा पॅडचे वाटप करण्यात आले.
यावेळी विद्या विकास मंडळाचे माजी अध्यक्ष भास्करराव पुंडे, माजी उपसरपंच दीपक तळोले, शहाजी दळवी, भरत भंडलकर , प्राचार्य ए. पी. शिंदे , पर्यवेक्षक साहेबराव आंधळे, कविता रेटवडे, सुनिता खर्डे, तृप्ती डावखर , अविनाश दौंडकर, ज्ञानेश्वर पुंडे, व्हि एन शिंदे आदी उपस्थित होते.
