दौलतराव पिसाळ : महान्यूज लाईव्ह
वाई : शहरातील हरिहरेश्वर बँकेच्या करण्यात आलेल्या आर्थिक तपासणीत साडेचार कोटींचा घोटाळा उघडकीस आला आहे याप्रकरणी लेखापरीक्षकांनी पोलिस ठाण्यात फिर्याद दाखल केली आहे.
शहरातील नामांकित उत्कर्ष नागरी पतसंस्था, कराड मर्चंट क्रेडिट सोसायटी, बाळसिध्दनाथ ग्रामीण बिगरशेती सहकारी पतसंस्था या तिन्ही संस्थांना २०१९ ते २०२१ अखेर हरिहरेश्वर बॅंकेने दिलेल्या ठेव तारण कर्ज प्रकरणाची छाननी करण्यात आली. यात २०१५-१६, १६-१७ व १८-१९ या कालावधीमध्ये प्रत्यक्षात बनावट कर्ज खात्यावर रकमेचा भरणा न करता आरोपी व मुख्य सूत्रधार नंदकुमार खामकर व मयत संचालक वजीर शेख यांच्या बोगस कर्ज खात्यावर बोगस रक्कम भरणा केल्याचे दाखवण्यात आले.
यात ४ कोटी ४९ लाख ५२ हजार ४३० एवढ्या रकमेचा अपहार केल्याचे उघडकीस आले आहे. त्याबरोबरच उत्कर्ष नागरी पतसंस्था, कराड मर्चट क्रेरीट सोसायटी
आणी बाळसिध्दनाथ ग्रामीण बिगरशेती सहकारी पतसंस्था यांनी हरिहरेश्वर बॅंकेत ठेवलेल्या व परत काढून घेतलेल्या गुंतवणूकीवर बोगस ठेव, तारण कर्ज निर्माण केले.
यात ४ कोटी ४९ लाख ५२ हजार ४३० रुपयांचा अपहार करुन बॅंकेच्या संचालकांसह व्यवस्थापक, अधिकाऱ्यांनी ठेवीदार व सभासदांची फसवणूक व विश्वासघात करुन करोडो रुपयांचा अपहार केल्याप्रकरणी विष्णू बाळासाहेब साळुंखे (वय ३८ राहणार कुशी पोस्ट नागेवाडी ता.जिल्हा सातारा) यांनी वाई पोलिस ठाण्यात (सोमवार दि.२१) तक्रार दाखल केली आहे.
या घटनेने वाई शहरात एकच खळबळ उडाली आहे. याचा अधिक तपास वाई पोलिस ठाण्याचे पोलिस निरीक्षक बाळासाहेब भरणे हे करीत आहेत. सातारा येथील आर्थिक गुन्हे शाखेच्या पोलिस अधिकाऱ्यांनी सखोल तपास करुन आजअखेर ४२ कोटींचा झालेला अपहार उघडकीस आणल्याने त्यांचे वाई शहरासह तालुक्यातील ठेवीदार व सभासदांनी कौतुक केले आहे.
वाई शहरातील नामांकित हरिहरेश्वर बॅंकेत संस्थापक नंदकुमार खामकर व त्यांच्या सहकाऱ्यांनी असंख्य गोरगरीबांच्या नावावर बोगस कर्ज प्रकरणे करुन त्यांची फसवणूक केली. यात तब्बल ३७ कोटी ४६ लाख ८९ हजार ३४४ रुपयांचा घोटाळा झाल्याचे सातारा आर्थिक गुन्हे शाखा पोलिसांनी तपासात उघडकीस आणल्याने व या घोटाळ्यास जबाबदार असणाऱ्यांना गजाआड केल्याने वाई तालुक्यात खळबळ उडाली होती ..
