बारामती: महान्यूज लाईव्ह
तालुका विधी सेवा समिती, जिल्हा न्यायालय बारामती व वकील बार असोसिएशन यांच्या संयुक्त विद्यमानाने शनिवारी (दि. 25) राष्ट्रीय लोक अदालतीचे आयोजन करण्यात आले. यात प्रलंबित खटले तडजोडीने निकाली काढण्यात आले. या लोकन्यायालयात 5 कोटी 74 लाख7 9 हजार 259 रुपयांची रक्कम वसूल झाली.
या राष्ट्रीय लोक अदालतचे उद्धघाटन जिल्हा व सत्र न्यायाधीश तथा विधी सेवा समितीच्या अध्यक्ष श्रीमती जे पी दरेकर, जिल्हा व सत्र न्यायाधीश डी. जे. बांगडे, न्यायाधीश जे. ए. शेख, न्यायाधीश श्री. कांबळे, न्यायाधिश श्री. गिऱ्हे, बारामती वकील संघटना अध्यक्ष अॅड. चंद्रकांत सोकटे यांचे हस्ते दिप प्रज्वलन करुन करण्यात आले.
सकाळी 10 वाजता कामकाजाला सुरुवात झाली. यामध्ये वैवाहिक वाद, दिवाणी खटल्यांसह मोटार अपघात, एनआय ऍक्ट, औद्योगिक वाद, घरपट्टी, पाणीपट्टी आदी प्रकरणांवर न्यायनिवाडा झाला. . प्रलंबित खटले 218 दाखल पूर्व प्रकरणे 2134 असे एकुण 2352 प्रकरणे निकाली काढण्यात आली. निवाड्यासाठी 10 हजार 774 प्रकरणे ठेवण्यात आली होती.
जिल्हा न्यायाधीश-1 व अतिरिक्त सत्र न्यायाधीश जे.पी.दरेकर यांच्या मार्गदर्शनाखाली कामकाज झाले. ही लोक अदालत यशस्वी होण्यासाठी बारामती बार असोसिएशनचे अध्यक्ष ऍड.चंद्रकांत सोकटे व कार्यकरणीचे सहकार्य लाभले. कार्यक्रमाचे प्रास्ताविक अॅङ चंद्रकांत सोकटे यांनी केले. अध्यक्षीय मनोगत जिल्हा व सत्र न्यायाधीश श्रीमती जे पी दरेकर यांनी केले व सूत्रसंचालन अॅङ धिरज लालबिगे यांनी केले. संघटनेचे सचिव अॅङ अजित बनसोडे यांनी आभार मानले.
