आसले गावावर शोककळा..
दौलतराव पिसाळ : महान्यूज लाईव्ह
सोमनाथ मांढरे हे वाई तालुक्यातील आसले गावचे सुपुत्र असून ते लडाख येथे देश सेवा अतिशय प्रतिकूल वातावरणाचा सामना करत असताना त्यांना वीरमरण आले.
याची माहिती वाई तालुक्याचे तहसीलदार रणजीत भोसले यांना समजताच त्यांनी आसले (ता. वाई) येथील वीरमरण आलेले सोमनाथ मांढरे यांचे बंधू असलेले महेश मांढरे यांना याची माहिती कळवली. ही दुःखद माहिती वाई तालुक्यातील गावागावात वाऱ्यासारखी पसरली. परिसरातील तरुणांनी या घटनेची माहिती मिळताच भावपूर्ण श्रद्धांजली अर्पण केली.
सोमनाथ मांढरे यांच्या पश्चात पत्नी, आठ वर्षाचा मुलगा व दहा महिन्याची आराध्या ही मुलगी असा परिवार आहे. त्यांना छोटा भाऊ व त्याची पत्नी असे एकत्र कुटुंब आहे. जवान सोमनाथ मांढरे यांचे पार्थिव उद्या त्यांच्या आसले या मूळ गावी अंत्यविधीसाठी आणण्यात येणार आहे. त्यांच्यावर आसले तालुका वाई येथील स्मशानभूमीत शासकीय इतमामात अंत्यसंस्कार करण्यात येणार आहेत अशी माहिती वाईचे तहसीलदार रणजीत भोसले यांनी दिली.
