बारामती : महान्यूज लाईव्ह
माळेगाव येथील रविराज तावरे गोळीबार प्रकरणातील आरोपी माळेगावचे माजी उपसरपंच जयदीप तावरे यांचा गुन्ह्यात सहभाग नसल्याचा पोलिसांनी दिलेला अहवाल मोका न्यायालयाने फेटाळला असून मोका न्यायालयात 18 ऑगस्टपासून ऑगस्टपर्यंत हजर राहण्याचे आदेश दिले आहेत.
माळेगाव येथील राष्ट्रवादीचे युवा नेते रविराज तावरे यांच्यावर 31 मे 2019 रोजी गोळीबार झाला होता यावरून पोलिसांनी प्रशांत पोपट मोरे, विनोद उर्फ टॉम पोपट मोरे, आकाश प्रशांत मोरे, राहुल उर्फ रीबल यादव यांना अटक केली होती. त्यानंतर याच प्रकरणात माळेगावचा माजी सरपंच जयदीप तावरे यांना देखील अटक केली होती.
मात्र या तपासादरम्यान उपविभागीय पोलिस अधिकाऱ्यांनी जयदीप तावरे यांच्याविरुद्ध कुठलाही पुरावा नसल्याचे नमूद करून कलम 169 अन्वये मोक्का न्यायालयात 21 जुलै 2019 रोजी अर्ज करून जामिनावर सोडण्याची विनंती केली होती. त्यावरून मोक्का न्यायालयाने तात्पुरता जामीन मंजूर केला होता. यानंतर मालेगावात फटाक्यांची आतषबाजी तसेच दुधाचा अभिषेक करण्यात आला होता.
मात्र 16 ऑगस्ट रोजी रोहिणी तावरे यांच्या वतीने एडवोकेट योगेश पवार यांनी युक्तिवाद करून मोक्का न्यायालयात अद्याप तपास कागदपत्रे समोर नसताना पोलिसांनी दिलेला 169 चा अहवाल नामंजूर करावा असे युक्तिवाद केला होता. तो ग्राह्य धरून मोक्का न्यायालयाने उपविभागीय पोलिस अधिकारी यांनी दिलेला 169 चा अर्ज नामंजूर केला आणि जयदीप तावरे यास अटक करून 18 ऑगस्ट रोजी न्यायालयात हजर करण्याचे आदेश दिले.
