भोर तालुका पत्रकार संघाची निवडणूक खेळीमेळीत पार
भोर – तालुका पत्रकार संघाची निवडणूक खेळीमेळीत पार पडली असून पत्रकार संघाच्या अध्यक्षपदी लोकमतचे वैभव भुतकर यांची एका वर्षासाठी तर पुढील वर्षासाठी सकाळचे महेंद्र शिंदे यांची बिनविरोध निवड करण्यात आली आहे. दोन वर्षासाठी ‘महान्यूज लाईव्ह’चे उपाध्यक्षपदी माणिक पवार व पुण्यनगरीचे उपाध्यक्षपदी संतोष म्हस्के, सचिवपदी लोकमतचे स्वप्निल पैलवान, खजिनदारपदी पुढारीचे किरण दिघे यांची बिनविरोध निवड करण्यात आली आहे.
पुणे जिल्हा पत्रकार संघ संलग्न भोर तालुका पत्रकार संघाची आज द्विवार्षिक निवडणूक प्रक्रिया पार पाडण्यात आली. ४ जुलै २०२१ ते ३ जुलै २०२३ या दोन वर्षाच्या मुदतीसाठी घेण्यात आलेल्या कार्यकारिणीच्या नऊ जागांसाठी प्रत्येकी एक असे नऊच अर्ज दाखल झाल्यामुळे निवडणूक बिनविरोध झाल्याचे निवडणूक निर्णय अधिकारी सुनिल जगताप यांनी जाहीर केले.
यावेळी एम.जी.शेलार यांनी सहाय्यक निवडणूक निर्णय अधिकारी म्हणून काम पाहिले. नवीन पदाधिकारी व कार्यकारिणी सदस्य पुढीलप्रमाणे अध्यक्ष वैभव नरहरी भूतकर, उपाध्यक्षपदी माणिक बाबासो पवार, संतोष भगवान म्हस्के व सरचिटणीस (सचिव) स्वप्निल कुमार पैलवान, कोषाध्यक्ष (खजिनदार) किरण काळूराम दिघे, तर कार्यकारिणी सदस्यपदी सूर्यकांत पांडुरंग किंद्रे, नितीन वसंत धारणे, चंद्रकांत सिताराम जाधव व किरण महादेवराव भदे यांची बिनविरोध निवड झाली.
तसेच तालुका समन्वयक म्हणून दत्तात्रय दिनकर बांदल यांची निवड करण्यात आली आहे. नवीन कार्यकारिणीचे मराठी पत्रकार परिषदेचे मुख्य विश्वस्त एस. एम. देशमुख, परिषदेचे कार्याध्यक्ष शरदजी पाबळे, विभागीय सचिव बापूसाहेब गोरे, जिल्हाध्यक्ष सुनील लोणकर, निवडणूक निर्णय अधिकारी व जिल्हा समन्वयक सुनिल जगताप व सहाय्यक निवडणूक निर्णय अधिकारी तथा परिषद प्रतिनिधी एम.जी.शेलार आदींनी अभिनंदन केले.
