माणिक पवार : महान्यूज लाईव्ह
भोर : नसरापूर – भोलावडे गटातील महत्वाची ग्रामपंचायत समजली जाणाऱ्या माळेगाव ग्रामपंचायतीच्या उपसरपंचपदी विकास रामदास निगडे यांची बिनविरोध करण्यात आली आहे. निवडीप्रसंगी गावामध्ये विकास कामाबरोबर तरुणासाठी विधायक कार्य करणार असल्याचे नवनिर्वाचित उपसरपंच विकास निगडे यांनी सांगितले.
माळेगाव ( ता. भोर ) ग्रामपंचायतचे यापूर्वीचे उपसरपंच महादेव घनश्याम भिलारे यांनी आपल्या पदाचा राजीनामा दिल्याने हे पद रिक्त झाले होते. बुधवार ( दि. ३० ) रोजी उपसरपंच पदासाठी सरपंच अमोल हनुमंत मोरे यांच्या अध्यक्षतेखाली निवडणूक झाली. यावेळी उपसरपंच पदासाठी सदस्य विकास निगडे यांचा एकमेव अर्ज आल्याने त्यांची उपसरपंचपदी बिनविरोध निवड झाल्याचे निवडणूक निर्णय अधिकारी व ग्रामसेवक अजित बनसोडे यांनी जाहिर केले.
यावेळी सरपंच अमोल मोरे, मावळते उपसरपंच महादेव भिलारे, ग्रा.प. सदस्य शहाजी रामचंद्र खंडाळकर, पायल हजारे, रुपाली पांगारे, लता सदाशिव मोरे तसेच तंटामुक्ती अध्यक्ष सुदाम मोरे, शालेय शिक्षण समिती अध्यक्ष कुंडलिक मोरे, नाना भिलारे, दादा पवार, सागर राऊत, उदय पांगारे आदी ग्रामस्थ उपस्थित होते.
यावेळी नवनिर्वाचित उपसरपंच विकास निगडे यांचा मान्यवरांच्या हस्ते सत्कार करण्यात आला. निगडे यांची निवड झाल्याने जि.प.सदस्या शलाका कोंडे, जिल्हा परिषद सदस्य विठ्ठल आवाळे, उपसभापती लहूनाना शेलार आदींनी निगडे यांचे अभिनंदन केले.
